Bu gün Azərbaycan mediasının gündəminə bir xəbər bomba kimi düşdü.

Söhbət Ramil Şeydayevin "Qarabağ"ı tərk etməsindən gedir. "Futbolinfo.az" saytının məlumatına görə, millimizin üzvü karyerasını Taylandda davam etdirəcək. Ramil "Buriram Yunayted"lə razılaşıb. Vinger son çempionla 2 illik müqavilə imzalayacaq. Ramilin yeni komandasında qazancı bir mövsüm üçün 1 milyon dollar olacaq.

Məsələ ilə bağlı redaksiyamıza maraqlı informasiya daxil olub. Ramilin "Qarabağ"dan ayrılması dəqiqdi. "Köhlən atlar" premyer-liqanın bombardirinə yeni müqavilə təklif etsə də, o, bunu qəbul etməyib. Çünki "Buriram Yunayted"in maliyyə şərtləri ona cəlbedici gəlib. Hətta Ramillə İsrailin "Hapoel" (Beer-Şeva) klubu da maraqlanıb. Onun meneceri ilə təmasa keçiblər. İsrail təmsilçisi də

"Qarabağ"dakından daha çox pul təklif edib. Lakin meneceri Ramilin "Buriram Yunayted"ə getməsinə şərait yaradıb.

Görəsən, premyer-liqanın bombardiri nə üçün "Qarabağ"da qalmaq istəmir? Şeydayev bilir ki, Ağdam təmsilçisi yay "transfer pəncərəsi"ndə yetərincə güclənəcək. Klub rəhbərliyi və Qurban Qurbanov daha yaxşı futbolçuların komandaya cəlb olunmasını istəyir. Ramil də yenidən ehtiyat qüvvə olmaq istəmədiyi üçün "Qarabağ"dan ayrılmaq eşqinə düşüb.

İLKİN SULTANLI