Yaydan bəri üç futbolçusu – İbrahima Vaci, Kadi Borges və Kvabena Ovusu ilə yolları ayıran “Qarabağ”da gündəm yenə transfer məsələsidi.

Football-plus.az xəbər verir ki, Ağdamlılar daha bir oyunçusunu itirə bilər. Söhbət Ramil Şeydayevdən gedir.

Hazırda 15 qolla Musa Qurbanlı ilə birgə premyer-liqanın bombardiri olan milli üzvünün “köhlən atlar”la müqaviləsinin müddəti yayda bitəcək. Lakin 26 yaşlı oyunçu klubla yeni saziş imzalamağa tələsmir. Redaksiyamıza daxil olan məlumata görə, Ramilə Avropadan, əsasən də Rusiyadan təkliflər var. Bu səbəbdən də futbolçu Ağdam təmsilçisi ilə yeni müqavilə bağlamağa tələsmir. Milli üzvü bu məsələ ilə maraqlanmağı menecerinə həvalə edib. O, hazırda ancaq premyer-liqa və Konfrans Liqasındakı oyunlar barədə düşünür. “Qarabağ” rəhbərliyi isə apreldə yenə Ramilə yeni müqavilə təklif edəcək. Onun maaşının artırılması və 3 illik yeni anlaşma nəzərdə tutulub.

İLKİN SULTANLI