Ötən həftəsonu MBA-da 1/8 final seriyaları bitdi və növbəti mərhələyə start verildi.

“Football-plus.az” xəbər verir ki, 1/8 final seriyasının sonuncu qalibləri “Leykers”lə “Qolden Steyt” oldu. “Leykers” “Memfis”lə seriyanı 6-cı oyunda bitirdisə, “Sakramento” ilə “Qolden Steyt”in duelində intriqa 7-ci oyuna qədər uzandı. Məhz bu oyunun taleyini “Uorriorz”un oyun qurucusu Stefen Karri həll etdi. O, komandasının 120:100 hesablı qələbəsinə 50 (!) xalla töhfə verdi. Karri MBA tarixinə pley-off seriyasında 200 xal qazanmağı bacaran, yaşı 35 və daha artıq olan 2-ci basketbolçu kimi düşdü. Maykl Cordan 1998-ci ildə MBA-nın yarımfinal və final seriyasında belə nəticəyə imza atıb. Karri həm də pley-offun 7-ci oyununda 50 xal toplamağı bacaran ilk basketbolçudu.

“Qolden Steyt”in növbəti mərhələdə “Leykers”lə qarşılaşacağını da xatırladaq.