"Qarabağ"ın azarkeş qrupu PFL-ə qarşı çıxdı - AÇIQLAMA
PFL beynəlxalq basketbol turnirinə görə premyer-liqanın təqvimini dəyişib. Bildiyiniz kimi, 35-ci turun matçları bazar ertəsi və çərşənbə axşamı keçiriləcək.
Çempionluğunu rəsmiləşdirmiş "Qarabağ" mayın 22-də saat 16.30-da "Sumqayıt"ın qonağı olacaq. Görəsən, klub azarkeşləri qərardan razıdılar? Qarşılaşmanın həftəiçi, iş saatlarında keçirilməsinə münasibətləri necədi?
"Köhlən atlar"ın ən böyük fanklubu "İmarət"in üzvü Elnur Quliyev suallarımızı belə cavablandırdı:
"Qarabağ"ın daimi azarkeşlərinin əksəriyyəti qərardan narazıdı. Onsuz da son 2 matç qalıb. Daha sonra bir müddət komandamızı trubunalardan izləyə bilməyəcəyik. Ölkə çempionatının dəyərini bu qədər aşağı salmaq lazım deyil. Basketbolun azarkeş kütləsinin daha az olduğunu bilirik. Bununla yanaşı, futbol dünyada birinci idman növü sayılır. Bizdə artıq ikinci dəfədi ki, PFL belə yalnışlığa yol verir. Azarkeş maraqlarının qurban verilməsi nə dərəcədə düzgündü?
Klubların işi də çətinləşdirilir. Çünki, hər kəs əvvəldən iş qrafikini, istirahət vaxtını təyin edir. Heç kimin qarşı tərəfin haqlarına biganə yanaşmaq haqqı yoxdu. PFL belə məsələlərdə daha peşəkar davranmalıdı".
Klubların işi də çətinləşdirilir. Çünki, hər kəs əvvəldən iş qrafikini, istirahət vaxtını təyin edir. Heç kimin qarşı tərəfin haqlarına biganə yanaşmaq haqqı yoxdu. PFL belə məsələlərdə daha peşəkar davranmalıdı".
KƏNAN BAHADIR
Digər xəbərlər
