"Şükürlər olsun, hər şey qaydasındandı. Komandamda sabit çıxış edirəm. Hazırda çempionat davam edir. Üçüncü yerin sahibi bəlli olmayıb. Bu yerə iddialıyıq, əsas rəqibimiz isə "Aktobe"di. 4 oyun keçirmişik, ikisində onlar, ikisində biz qalib gəlmişik. Mayın 20-də növbəti matç baş tutacaq. Çox ciddi hazırlaşırıq. Amma bir məsələ var ki, Qazaxıstanın futzal çempionatında ilk iki yerin sahibi avrokubokda çıxış etmək şansı qazanır. Biz bu şansı itirmişik. Ona görə bütün diqqətimizi ayın 20-dəki oyuna yönəltmişik".

"Hazırda bütün fikirimi komandamın 3-cü yer uğrunda mübarizəsinə cəmləmişəm. Karyeramla bağlı ancaq bundan sonra düşünüb qərar verəcəm".

"Reallıq budu ki, futzal çempionatımızın səviyyəsi çox aşağı düşüb. Daim oyunlara və nəticələrə göz gəzdirirəm. Qeydə alınan hesablara baxmaq kifayətdi. 20 oyuna 200 top vuran və 200 top buraxan komandalar var. Pley-offun ilk qarşılaşması 24:0, 3-cü yer uğrunda matç 23:3 hesabıyla bitir. Bu siyahını uzatmaq da olar. Bir sözlə, çempionatda rəqabətsizlikdi, komandalar arasında böyük uçurum var. Bu da çempionatın səviyyəsinin aşağı düşməsinin bariz sübutudu. Amma inanıram ki, bu məsələ ilə bağlı ciddi ölçü götürüləcək və çempionat yenidən rəqabətli olacaq".