“Barselona”nın qadınlardan ibarət komandası bir oyunundan özü üçün rekord gəlir əldə edib.

"Football-plus.az" xəbər verir ki, bu, Çempionlar Liqasının yarımfinalında “Çelsi”yə qarşı cavab oyunundan sonra mümkün olub.

“Nou Kamp”dakı matçı stadionda 72262 tamaşaçı izləyib. Nəticədə klubun biletdən gəliri 1,2 milyon avro təşkil edib. Qeyd edək ki, “Barselona”nın qadınlardan ibarət komandası “Çelsi”ni üstələyərək (səfərdə 1:0, evdə 1:1) finala vəsiqə qazanıb. “Göy-qırmızılar” finalda “Arsenal” – “Volfsburq” cütünün qalibi ilə qarşılaşacaq.