Jurnalist Ben Rotenberq “tvitter” hesabında avstraliyalı tennisçi Nik Kiryosun Naomi Osaka ilə agenti Stüart Düqidə məxsus olan “Evolve” agentliyi ilə müqavilə imzalaması haqda xəbər yayıb.

Nik yeni agentliyin ilk müştərisidi. O, əvvəllər IMG şirkətində çalışan Düqidlə əməkdaşlıq edib.

Xatırladaq ki, Osaka “Uimbldon” turnirində iştirakdan boyun qaçırıb. Yaponiyalı ulduz mayın 23-də “Rolan Qarros”un 3-cü mərhələsində Amanda Anisimovaya uduzandan sonra korta çıxmayıb. Berlin turnirini də daban zədəsi üzündən buraxıb. Bu isə o deməkdi ki, Osaka 2022-də ot üzərində keçirilən heç bir turnirə qatılmayacaq. Naomi 2021-də 57 milyon dollar qazanmaqla “Forbes”in tərtib etdiyi ən yüksək ödənişli idmançılar üçün reytinqdə lider olub. Maraqlıdı ki, onun turnirlərdə iştiraka görə qazancı cəmi 2,3 milyon təşkil edib.