“Düzünü desəm, ukraynalı oyunçuların 90 faizi mənlə salamlaşmır. Bu məqam məni narahat etmir, anlayıram... Ancaq hesab edirəm ki, idmanla siyasəti bir-birindən ayırmaq lazımdı. Enində-sonunda biz adamıq, oyunçuyuq, mən və bir çox başqa rusiyalı tennisçi Rusiyada yaşamırıq. Özümü ukraynalıların yerinə qoyur və bunun necə çətin durum olduğunu təsəvvür edirəm. Biz tennisdən birləşmək vasitəsi kimi yararlanmağa çalışdıq, WTA və ATP bəzi ideyalar təklif etdi. Hamısı rədd olundu. Ətrafda çoxlu nifrət var, ancaq mən ukraynalıları günahlandırmıram”.

“İki il İtaliyanı təmsil etdim. Düzünü desəm, mənə böyük təzyiq göstərirdilər. İtaliyanın şərəfini qoruyarkən bunu hiss edirdim. Seçim imkanım yox idi, bürokratik məsələlər üzündən Rusiyanı təmsil etməli oldum. Yalnız bu yükdən qurtulanda rahat nəfəs aldım”.