“İllərdi arzusunda olduğumuz "Beşiktaş"ı doğma şəhərdə - Bakıda görmək bizi sevindirəcək. Fanklub olaraq əngəl tanımadan klubumuzu həmişə layiqli şəkildə təmsil etməyə çalışmışıq.

Tarixi qarşılaşmanın keçiriləcəyindən xəbərdar olan kimi hazırlığa başladıq. Bir neçə gündü bu istiqamətdə işlər görülür. Sevindirici haldı ki, “Beşiktaş”ı dəstəkləyən azarkeş sayı gözləniləndən çoxdu. 4000 nəfərə yaxın tərəfdarla birgə çalışırıq. 3, 4, 5 və 6-cı sektorlarda “Beşiktaş Azərbaycan” fanklubunun üzvləri yer alacaq. Sayın artması istisna olunmur. Çünki hələ də bizimlə bərabər olmaq istəyənlərin müraciətləri davam edir. Hər birinə vaxt ayırıb işin öhdəsindən layiqincə gəlmək istəyirik.

Planlarımız da bəllidi. “Beşiktaş”ı hava limanında qarşılayıb qalacağı otelə qədər yola salacağıq. Matçda həm Türkiyə, həm də Azərbaycan üçün pankartlar açılacaq. Qardaş ölkədə baş verən dağıdıcı zəlzələyə həsr olunan şüarlar səsləndiriləcək.

Xüsusi qeyd edim ki, “Sabah”a qarşı hansısa hörmətsizliyə yol verilməyəcək”.