MHL-də konfrans yarımfinalları davam edir. Mayın 5-i “Florida” “Toronto”nu 2-ci dəfə məğlub etdi, “Dallas” – “Sietl” seriyasında isə hesab bərabərləşdi.

“Football-plus.az” xəbər verir ki, srağagün keçirilən “Veqas” – “Edmonton” oyunu ilə bağlı maraqlı məqamlar var. Buz üzərindən məğlub ayrılan “Oylerz”in bütün qollarını Leon Drayzaytl vurdu. Almaniyalı “Edmonton”un son 36 ildə Stenli kubokunda poker edən ilk hokkeyçisidi. Əvvəllər pley-off oyununda 4 dəfə fərqlənən hokkeyçiləri də xatırladaq: Ueyn Qretski (1983-cü ildə iki dəfə), Mark Messye (1983), Qlenn Anderson (1983), Yari Kurri (iki dəfə - 1985 və 1987-ci illərdə).

Bu il Stenli kuboku uğrunda keçirdiyi 7 oyunda artıq 15 (11+4) xal toplayan Drayzaytlı turnirin tarixinə salan daha bir özəllik var. Belə ki, o, son 101 ildə ilk 7 oyunda ən azı 11 qol vurmağı bacaran yeganə hokkeyçidi. Drayzaytl 1919-cu uldə “Monreal”ın heyətində 7 oyunda 15 qol vuran Nyusi Lalond ilə 1922-ci ildə “Toronto”nun heyətində 7 oyunda 11 qol vuran Beyb Daya qoşuldu. Fərdi uğur hər nə qədər sevindirici olsa da, Leon seriyanın ilk oyununda “Veqas”dan alınan məğlubiyyətə görə məyusluğunu da gizlətmədi: