“Edmonton”un “Vankuver” üzərindəki 5:3 hesablı qələbəsində Konnor Makdevid önəmli rol oynadı.

"Football-plus.az" xəbər verir ki, 25 yaşlı kanadalı forvard 4 (3+1) xal topladı. MHL-də 488-ci oyuna çıxan Konnor bununla da 700 xal həddini aşdı. İndi onun hesabında 701 (242+459) xal var. MHL tarixində yalnız 5 oyunçu 700 xal həddinə Makdeviddən daha az oyun keçirməklə çatıb: Ueyn Qretski (317), Mario Lemye (363), Peter Ştyastnı (457), Mayk Bossi (469), Yari Kurri (483).

Yuxarıda xatırladılan oyunun 25-ci dəqiqəsinə qədər hesab 0:3 idi. “Edmonton”un ilk qolunu vuran Leon Drayzaytl da tarixə düşdü. 26 yaşlı almaniyalı hücumçu 2016/17-dən başlayaraq ardıcıl 7-ci mövsümün start oyununda fərqləndi. Bu isə 1979-85-ci illər aralığında “Edmonton”un bütün start oyunlarında qol vuran əfsanəvi Ueyn Qretskinin rekordunun təkrarlanması deməkdi.