Qadın futbolçulardan ibarət yğmamızın ilk dəfə keçiriləcək Millətlər Liqasındakı rəqibləri müəyyənləşib. Dünən keçirilən püşkatmanın nəticələrinə görə, milli C Liqasının 3-cü qrupunda mübarizə aparacaq. Rəqiblər Monteneqro, Cənubi Kipr və Farer adalarıdı.

Püşkatmanın nəticələri və ilk oyunun baş tutacağı sentyabra qədər nəzərdə tutulan hazıırlıq planı haqda fikirlərini öyrənmək məqsədilə millinin baş məşqçisi Siyasət Əsgərovla əlaqə saxladıq. Onun “Football-plus.az”a söylədikləri belə oldu:

“Bir çox ölkələrdə olduğu kimiŞ Azərbaycanda da qadın futbolu son illərdə inkişaf etməyə başlayıb. Bu prosesin sürətlənməsi baxımından çox arzulayırdıq ki, Millətlər Liqası təşkil olunsun. Xəbər bizi çox sevindirdi. Artıq hazırlığa başlamışıq. Rəqiblər bəllidi. Monteneqronu Avropa çempionatının seçmə mərhələsində keçirilən oyunlardan tanıyırıq. Onlara səfərdə məğlub olsaq da, evdə qalib gəlmişdik. Cənub Kipr və Farer adaları ilə heç vaxt qarşılaşmamışıq. Araşdırmalar zamanı ortaya çıxdı ki, hər iki milli bu il Avropa çempionatında keçirililən oyunlardan sonra sonuncu pillələrdə qərarlaşıblar. Lakin bu bizi yanıltmamalıdı. Matçlara çox ciddi hazırlaşmalıyıq.

Hədəflədiyimiz nəticələri qazanmaq istiqamətində vacib məsələlərdən biri də yığmaya dəvət etdiyim futbolçuların fiziki və psixoloji cəhətdən tam hazır olmalarıdı. Çünki heyətdə legionerlər də çıxış edəcək. Həm Türkiyədən, həm də Rusiyadan.

İyulda təlim-məşq toplanışlarının təşkili nəzərdə tutulub. Hazırlıq prosesində ən çox fayda əldə edə biləcəyimiz yöndə çalışmalıyıq”.

KƏNAN BAHADIR