Misli premyer-liqasında 32-ci tura yekun vurulub.
“Football-plus.az” xəbər verir ki, “Neftçi” “Qarabağ”ı qəbul edib - 2:4. Oyundan sonra qonaqların çalışdırıcısı Qurban Qurbanovun mətbuat konfransı keçirilib. Sizi mütəxəssisin fikirləri ilə tanış edirik:

“Hər iki komandanın azarkeşlərinə təşəkkür edirəm. Onların səsi, sayı futbolçularımıza çox kömək oldu. Oyun da əsl azarkeşlər üçün oldu. Qalib gəlməyi çox istəyirdik. Sonda qələbə bizimlə oldu. Amma nəticəni nəzərə almasaq, oyunu analiz etsək, 90 dəqiqə temp aşağı düşmədi, dinamik oyun keçdi. Xeyli sayda hücumlar və qol epizodlarımız oldu. "Neftçi" məğlub olmaq istəmirdi, mübarizə aparırdı. Hər iki komandanın futbolçularına təşəkkür edirəm ki, belə futbol göstərdilər. Azarkeşlər üçün baxımlı matç alındı. Qarşıdakı oyunlara hazırlaşacağıq”.

- Penalti epizodunda xeyli aqressiv görünürdüz. Baxdınız epizoda?
- Çox aqressiv deyildim. Soruşurdum, deyirdilər, təzə qanunlar var. Hər xırda epizoda penalti və cərimə zərbəsi versələr... Bundan əvvəl də bəzən hakimlərə fikirlərimi bildirmişəm. Onların əllərində o qədər qanunlar var ki, nə desək, doğrunu açıb göstərəcəklər. O qədər sarı vərəqələrimiz olub ki, bəsit epizodlarda. Bu cür oyunlarda aqressiya daha çox olur. Deyirlər yeni qanunlar var. Ona görə fikir bildirə bilmirik. Narazılığımı bildirdim. Epizoda baxdım.

- Oyun bazar günü keçirilməli idi, amma bu günə salındı. Bu haqda fikriniz necədi?
- Oyun bizdən asılı olmayan səbəblərə görə təxirə salınmışdı, "Formula-1" Qran-prisi var idi. Bəzən belə hallar olur. Biz də avrokuboklarda oynayanda, bəzən oyunumuzu təxirə salmaq istəmişik. Hər halda, etirazımız yoxdu.

- "Qəbələ" ilə oyununuzun da vaxtı sürüşdürüldü. Bu barədə fikriniz necədi?
- Hər iki tərəf istədi. Bizim uzun vaxtımız var idi. İdman formamızdan uzaqlaşa bilərdik. Buradakı oyunda da güc sərf etdik. "Qəbələ" və bizim üçün faydası oldu. PFL tərəfdən də etiraz bildirilmədi.