"Gəncədə daha aqressiv olurduq"
Misli premyer-liqasında 31-ci tura start verilib.
"Football-plus.az" xəbər verir ki, "Şamaxı" "Kəpəz"i qəbul edib - 1:1. Oyundan sonra qonaqların çalışdırıcısı Tərlan Əhmədovun mətbuat konfransı keçirilib. Sizi mütəxəssisin fikirləri ilə tanış edirik:
"Baxımlı futboldan söhbət gedə bilməz. Amma çalışırdıq ki, səfərdə xal qazanaq, qalib gələk. Epizopdlarımız da oldu, qələbə qazana da bilərdik. Mübarizə apardıq. Liderlər də Şamaxıda çətinlik çəkib. Onlar çox hərəkətlidi. Birinci hissədəki qol epizodunu vursaydıq, nəticə fərqli ola bilərdi. Bu gün bir xal qazanmışıqsa, premyer-liqada qalmaq üçün önəmlidi. Komandamda yorğunluq var. Hər tur səfərə gedirik. Yol yorğunluğu özünü göstərməyə başlayır. Bu da təbii prosesdi. Biz Gəncədə daha aqressiv olurduq. Qəbələdə də "Turan Tovuz"la 1:0-dan sonra hesaba oynadıq. Bu gün də çətinlik çəkdik. Səfərdə oynamaq komandaya təsir edir. Futbolçulara təşəkkür edirəm. Qarşıda oyunlarımız var. "Sumqayıt"la da oyunumuz olacaq. Hər qələbə bizim premyer-liqada qalmağımıza kömək edir".
- Salif Sisse etimadı doğrulda bilmir. Səbəbi nədi?
- Futbolçu var ki, tez uyğunlaşır. "Sabah"la oyundan sonra Qurban Qurbanov da müsahibə vermişdi ki, yeni gələnlərin tam potensialının açılmaması ona da problem yaradır. Salifin böyük karyerası olub. İndi Gəncədəki vəziyyəti gördü. Evdə oynamamaq, filan... Hiss edirəm ki, o, şoku qəbul edə bilmir. "Neftçi" ilə matçda açılışmışdı. Yaxşı oyun nümayiş etdirdi. Psixoloji baxımdan özünə qapanması var. Ona görə tam potensialını aça bilmir. Bütün futbolçularıma güvənirəm. Ehtiyatdakı Arzu Atakişiyevə də güvənirəm. Sisse gəlibsə, liderə qarşı yaxşı oynayırsa, demək ki, güvənməli biridi.
- Şuaybunu komandada saxlaya biləcəksiz?
- Özüm qalsam, Şuaybu da qalacaq.
- Maaşlarınızı verdilər?
- Yolda olanda maaşlarımız da köçdü. Artıq problemimiz yoxdu.
Digər xəbərlər
