“Bizim üçün tarixi qalibiyyətdi”
Misli premyer-liqasında 30-cu tura yekun vurulub.
“Football-plus.az” xəbər verir ki, “Sabah” “Qarabağ”ı məğlub edib - 2:1. Oyundan sonra “bayquşlar”ın məşqçisi Artur Oleninin mətbuat konfransı keçirilib. Sizi mütəxəssisin fikirləri ilə tanış edirik:
“Çox yaxşı matç oldu. Hər iki komanda yaxşı oyun sərgilədi. Kifayət qədər aqressiv futbol izlədik. Oyunun sonlarına yaxın gərginlik var idi. Futbolçulara təşəkkür düşür ki, bu gərginliyin öhdəsindən gəldilər. Bu gün bizim üçün tarixi qalibiyyət idi. Buna görə də uşaqları təbrik etdik”.
- Bilirdiz "Sabah" tarixi ərzində "Qarabağ"ı ilk dəfə məğlub etdi?
- Bəli. Dedim ki, bu, bizim üçün tarixi qələbədi.
- Nəticə oyuna görə oldu?
- Biz bu gün layiqli qələbə qazandıq. Əlbəttə ki, hər iki tərəfin təhlükəli qol epizodları oldu. İkinci hissədə iki dəfə qol fürsətindən yararlana bilmədik. Düşünürəm ki, bu, ədalətli qələbədi. Bəxtimiz gətirib qalib gəlmədik.
- "Qarabağ"la xal fərqi 9-a endi. Çempionluq şansını qoruduğunuzu düşünürsüz?
- Qarşıda altı oyunumuz var. Rəqiblərin necə çıxış edəcəyi bizə maraqlı deyil. Bütün matçlarda qalib gəldikdən sonra necə vəziyyətin yarandığına baxacağıq.
- Bu gün kapitan Abdullaye Ba idi. Bunun səbəbi nədi?
- Bu, kollektivin qərarıdı. Bizdə kapitan və vitse-kapitanlar var. Ba da vitse-kapitanlardan biridi.
Digər xəbərlər
