Frenk Lempardın aqibəti müəyyənləşib. “Çelsi”nin baş məşqçisi mövsümün sonuna qədər istefaya göndərilməyəcək.

“Football-plus.az” xəbər verir ki, ESPN-in məlumatına görə, London klubunun rəhbərliyi Lempardın vəzifəsində yayadək qalmasını istəyir. Bundan sonra Maurisio Poçettinonun baş məşqçi təyin edilməsi planlaşdırılır. Deyilənə görə, argentinalı mütəxəssis “Çelsi” layihəsini özünə uyğun hesab edir və öz futbolunu oynamağa qadir gənc komanda yaratmaq niyyətindədi. Xatırladaq ki, bir neçə gün əvvəl “Çelsi” ilə Poçettino arasındakı danışıqların gedişinin inkişaf mərhələsində olduğu bildirilmişdi.

Lempard bu ay Qrehem Potterin qovulmasından sonra müvəqqəti baş məşqçi təyin olunub. “Çelsi” onun başçılığı altında keçirdiyi 4 oyunun hamısında uduzub.