Zədəsini aprelin əvvəlində sağaldan Çiro İmmobile növbəti bəxtsizliklə üzləşib. Təcrübəli futbolçu bu dəfə qəza keçirib.

“Football-plus.az” xəbər verir ki, “Latsio”nun hücumçusu aprelin 16-da səhər saatlarında Romada ağır avtomobil qəzasına düşüb. İtaliya millisi ilə Avropa çempionu olan İmmobilenin idarə etdiyi “Land Rover” markalı avtomobil tramvaya çırpılıb. Zərbə güclü olub və maşının ön hissəsi tam dağılıb. Tramvay isə relsdən çıxıb. Hadisənin şahidlərinin dediklərinə görə, tramvay işıqforun qırmızı işığında keçib. Qabırğası sınan futbolçunun onurğasının da zədələndiyi bildirilib. Maşında Çironun qızlarından biri də olub, o xəsarət almayıb. Tramvayın sürücüsü və daha iki sərnişin isə xəsarət alaraq xəstəxanaya aparılıb.