Bu gün səhər saatlarında Xızı rayon Baxışlı və Altıağac kənd tam orta məktəblərinin müəllimləri Bakı-Quba yolunda avtomobil qəzasına düşüblər.

Football-plus.az xəbər verir ki, bu barədə Elm və Təhsil Nazirliyindən “Qafqazinfo”ya bildirilib.

Məlumata görə, qəza nəticəsində Baxışlı kənd tam orta məktəbinin fiziki tərbiyə müəllimi Elvin Rüstəmov dünyasını dəyişib. Xəsarət alan digər müəllimlər isə xəstəxanaya yerləşdirilib və hazırda həkim nəzarəti altındadırlar.

Faktla bağlı araşdırma aparılır.

Qeyd edək ki, Elvin Rüstəmov həm də idman jurnalisti idi. O, “Neftçi TV”də çalışırdı/

Allah rəhmət etsin!