Antoni üçün 2022-ci ilin son günü heç də xoş keçməyib. “Mançester Yunayted”in hücumçusu dekabrın 31-də avtomobil qəzasına düşüb.

“The Sun” qəzetinin xəbərinə görə, braziliyalı futbolçu qəzadan sonra şok vəziyyətində olduğu üçün premyer-liqanın “Bornmut”la ev oyununu (3:0) buraxıb. Antoni qaranlıq və yağışlı hava səbəbindən avtomobili idarə edərkən səhvə yol verib. Qəza zamanı maşında ondan başqa heç kim olmayıb.
“The Sun”un xəbərində Antoninin qanında spirt aşkarlanmadığı da qeyd olunub. Testdən sonra avtomobil futbolçuya qaytarılıb.