PSJ-də ümidləri doğrultmayan və çempion olacağı təqdirdə belə mövsümün sonunda istefaya göndəriləcəyi gözlənilən baş məşqçi Kristof Qaltye ilə bağlı Fransada dünən inanılmaz qalmaqal yaşanıb.

"Football-plus.az" xatırladır ki, 56 yaşlı mütəxəssis ötən mövsüm “Nitsa”nı çalışdırırdı və yayda Paris nəhənginin başına keçmişdi.

“Nitsa”da onun idman direktoru Julyen Furnye ilə münasibətləri qaydasında deyildi. Furnye ötən ilin sentyabrında verdiyi açıqlamada bildirmişdi ki, Qaltye ilə anlaşa bilməməsinin tam fərqli və ciddi səbəbləri var.

O qeyd etmişdi ki, məsələnin üstü açılsa, Qaltye bundan sonra heç yerdə işləyə bilməyəcək. Amma söhbətin nədən getdiyini dilə gətirməmişdi. Həmin hadisədən 7 ay sonra hər şeyin üstü açılıb. Fransa mətbuatı Furnyenin “Nitsa” rəhbərliyinə göndərdiyi məktubu ələ keçirib.

Məktubda yazılanlar doğrudusa, Qaltye artıq məşqçilik sənəti ilə vidalaşıb öz həyatı uğrunda mübarizə aparmalıdı. Məktubda yazılanlara inansaq, Qaltye Furnyeyə bunları deyib:

Gözlənildiyi kimi, qalmaqal ildırım sürəti ilə böyüdü və PSJ rəhbərliyi məsələ ilə bağlı daxili araşdırmaya start verdi. Bu araşdırma klubun prezidenti Nasser Əl-Xelayfinin yaxın insanlarının təkidi ilə başlayıb. “RMC Sport”un xəbərinə görə Qaltye çox ağır şeylərdə ittiham olunsa da, rəhbərlik tələskənliyə yol vermək istəmir. Hər şey ətraflı şəkildə incələndikdən sonra məşqçinin taleyi ilə bağlı qərar veriləcək.

Cümə günü Qaltyenin bu məsələ ilə bağlı mətbuat konfransının olacağı nəzərdə tutulub. Amma etirazlar hər saat artır. Fransa mətbuatının yazdığına görə, qalmaqalın üstü açılandan sonra Qaltyenin nömrəsinə 5 mindən çox zəng gəlib və mesajlar göndərilib. Onların arasında ölüm hədələrinin sayı-hesabı yoxdu. PSJ məşqçi və onun ailəsinin təhlükəsizliyi üçün onun evinin qarşısına xüsusi cangüdənlər göndərərək təhlükəsizliyi gücləndirib.

Tanınmış mütəxəssis PSJ rəhbərliyinə bildirib ki, üstünə şər atıldığına və təhqir olunduğuna görə məhkəməyə müraciət etməyə hazırlaşır.