Lüsyen Favr yenidən “Nitsa”nı çalışdıracaq.

64 yaşlı mütəxəssis 2016-18-ci illərdə başçılıq etdiyi Fransa klubuna qayıdıb. Onun dönüşü Kristof Qaltyenin Parisə yollanması ilə bağlıdı. Qaltye son günlər PSJ ilə danışıq aparıb. Paris klubu onunla razılığa gələndən sonra “Nitsa” rəhbərliyi ilə apardığı danışıqlarda da ortaq məxrəcə gəlib.

Yerli mənbələr, Qaltyenin bu gün PSJ-nin baş məşqçi vəzifəsinə təyinat alacağını xəbər verir. Fransa nəhəngi ona görə “Nitsa”ya 5 milyon avro təzminat ödəyəcək. 55 yaşlı mütəxəssisin parisilərlə “2+1 il” sxemi üzrə anlaşdığı da məlum olub.

PSJ-nin hazırkı çalıdırıcısı Maurisio Poçettinoya müqavilənin vaxtından əvvəl pozulmasına görə ödəyəcəyi təzminatın məbləği isə hələ ki rəsmən açıqlanmayıb.