Avropanın 5 aparıcı liqasında hakimlərin qazancı açıqlanıb. Bu haqda Türkiyədə çıxan “Sabah” nəşri məlumat yayıb.

"Football-plus.az" xəbər verir ki, siyahının ilk pilləsində İspaniya çempionatının yüksək divizionudu. La Liqada oyunlara təyinat alan hakimlər aya 12 min 500 avro, hər matçda 4 min 200 avro, VAR hakimləri isə 2 min 100 avro qazanırlar. Bu göstəricilərə əsasən, La Liqada bir hakimin illik orta qazancı 250 min avro olur.

İngiltərə premyer-liqasında hakimlər aylıq 3 min 700 avro qazanırlarsa, hər oyuna görə 1300 avro, VAR sistemi üçün isə 1000 avro əldə edirlər. İngiltərəli bir hakimin illik orta qazancı 110 min avroya bərabərdi.

İtaliya A seriyasında hakimlər aya 3 min 600 avro ilə 6 min 500 avro arası pul qazanırlar. Hər oyun üçün qazanc 3 min 400 avro, VAR üzrə maaşı isə 1500 avrodu. İtaliyalı bir hakim ilə orta hesabla 140 min avro irəli düşür.

Fransa Liqa 1-də hakimlər aya 6 min avro, hər matça görə 2 min 900 avro, VAR üçün isə 900 avro maaş alırlar. Onların illik orta qazancı 120 min avroya bərabərdi.

Almaniya bundesliqasında hakimlər aylıq 2 min 500 avro ilə 6 min avro arası, hər oyun üçün 3 min 600 avro, VAR üçün isə 1100 avro qazanc əldə edirlər.

Çempionlar Liqasında hakimlər hər matça görə 7 min avro alırlar.

“Sabah” qəzeti Türkiyə superliqasında da hakimlərin qazancına aydınlıq gətirib. Matçlarda ədaləti təmsil edənlərin aylıq maaşı 26 min lirədi. Meydanda və kənarda fəaliyyət göstərən hakimlər hər oyuna 20 min lirə qazanırlarsa, VAR hakimləri aya 20 min, hər oyun üçün isə 10 min lirə əldə edirlər. Türkiyədə yüksək liqada hakimlik edən şəxs ilə orta hesabla 710 min lirə qazanır.