Misli premyer-liqasının cari mövsümündə üçüncü zonada orta hesabla ən çox dəqiq ötürmə verən komanda “Qarabağ”dı.

“Football-plus.az” Beynəlxalq İdman Araşdırmalar Mərkəzinin (CIES) saytına istinadən xəbər verir ki, çempionatın lideri rəqibin qapıçı meydançası həndəvərində ən çox ötürmə edən kollektivdi.

Qurban Qurbanovun yetirmələri orta hesabla hər matçda hücum zonasında 161 ötürmədən istifadə edirlər. Bu statistikada ilk “dördlük” turnir cədvəlindəki sıralamaya uyğundu.

Sonuncu pillədə “Turan Tovuz” qərarlaşıb. Sürətli əks-hücumlara daha çox üstünlük verən bölgə təmsilçisi rəqib müdafiəçilərini ardıcıl ötürmələrlə çox narahat etmir.

1. “Qarabağ” – 161 ötürmə

2. “Sabah” – 135

3. “Neftçi” – 122

4. “Qəbələ” – 84

5-7. “Kəpəz” – 82

“Səbail” - 82

“Zirə” – 82

8. “Sumqayıt” - 79

9. “Şamaxı” - 77

10. “Turan Tovuz” – 63