“Əvvəlcədən düşünürdük ki, oyun maraqlı və çətin olacaq. Fikirləşdiyimiz kimi də oldu. Hər iki komanda güclü mübarizə apardı. Amma sanki bizim komandamız daha istəkli idi. Bunun nəticəsində də “Qəbələ” qalib gəldi. Çempionatın bitiminə hələ 7 tur var. Kubok qazanmaq və ya Konfrans Liqası haqda danışmaq hələ tezdi. “Zirə” ilə aramızda 1 xal fərqi var. Bu hələ son deyil. Çempionatın axırına kimi mübarizə aparmalıyıq. Hər oyuna qələbə üçün çıxmalıyıq. Rahatlaşmaq olmaz. Nəyə gücümüz çatırsa, onu da edəcəyik. Hər iki cəbhədə mübarizə aparmalıyıq. Komandanın çatışmazlıqları haqda danışmaq düzgün deyil. Bu barədə baş məşqçimiz açıqlama versə, daha yaxşı olar. Lakin ümumilikdə deyə bilərəm ki, çempionat ərzində səhvlərimiz çox oldu. Bu da normaldı. Uzun marafondan keçirik. Həm kubokda, həm də çempionatda mübarizə aaprırıq. Heyətimizdə bir qədər çatışmazlıqlar var. Əvəz edə biləcəyimiz futbolçuların sayı azdı. Belə çətinliklə yaşadığımıza görə səhvlərimizin olması da normaldı. Kubokun finalı barədə danışmaq hələ tezdi. Finala kimlərinin çıxacağı bəlli deyil. Əvvəlki müsahibələrimdə demişdim ki, mövsümün əvvəlində püşkatma zamanı finalın harda keçiriləcəyini söylənilsə, daha yaxşı olardı. Lakin finala çıxsaq, məkanın bizim üçün o qədər də fərqi olmayacaq”.