“Məncə, Rəşadın Qurban Qurbanovu təəccübləndirməsi hələ tezdi” - AÇIQLAMA
Azərbaycanda futbol mövsümü kubokun final oyununda "Qarabağ"ın "Zirə"yə qalib gəlməsi ilə bitdi.
Bəlkə də çoxlarının gözləmədiyi tərzdə oyun sərgiləyən Rəşad Sadıqovun komandası ölkə çempionu ilə 120 dəqiqə ərzində başa-baş mübarizə apardı. Erkən qol vuraraq hesabı açan “qartallar” 69-cu dəqiqədə qələbəni əldən versə də, oyunu penalti seriyasına daşıya bildi. Özünəməxsus lotereyeyada artıq “köhlən atlar” qələbə qazandı.
Maraqlıdı, Rəşad Sadıqov Qurban Qurbanovu bu oyunda nə ilə təəccübləndirdi? Çempionlar Liqası ərəfəsində "Qarabağ"ı necə silkələdi? Bu suallarla həmkarımız Ceyhun Əliyevə müraciət etdik. Onun "Football-plus.az" saytına açıqlaması belə oldu: "Məncə, Rəşadın Qurban Qurbanovu təəccübləndirməsi hələ tezdi. Ancaq yaxşı mənada sevindirdiyini və avrokuboklar ərəfəsində əla test etdiyini deyə bilərəm. Çünki potensialına görə “Zirə” “Qarabağ”dan xeyli geri qalır. Ancaq intizamlı futbol, rəqibin oyun sisteminin düzgün təhlili Sadıqovun 120 dəqiqə ərzində komandası üçün müsbət sayılacaq nəticəni qoruya bilməsinə səbəb oldu. Əlbəttə, Qurban Qurbanov “Zirə”nin rəqib kimi yaxşı müqavimətinə sevinmədi, amma dostunun belə ağıllı oyun sərgiləyən komanda yaratmasına, sevindi. Nəzərə alaq ki, ÇL-in ilk mərhələsində ağdamlılara qarşı oynayacaq rəqib də daha çox “müdafiədə oturacaq”. Bu mənada kubokun finalı “Qarabağ” üçün əla test oldu".
ŞAİR ABDULLA
Digər xəbərlər
