“İlk oyunu Qazaxıstana qarşı keçirdik. Düşünürəm ki, təhlükəli vəziyyətləri dəqiq dəyərləndirib daha böyük hesabla qalib gələ bilərdik. Qələbə üçün 2 qol bizə kifayət etdi. Bu qarşılaşmada komandamdan razı qaldım. İkinci matçda isə Bosniya və Hersoqovina ilə qarşılaşdıq. Təəssüf ki, məqsədimizə nail ola bilmədik. 0:2 məğlub olmağımıza baxmayaraq, futbolçular 90 dəqiqə ərzində böyük istək və motivasiya ilə mübarizə apardı. Onların əzmini yüksək qiymətləndirirəm. Son oyundakı rəqib isə qrupda ikinci yeri tutan Monteneqro idi. Güclü komanda olmalarına baxmayaraq, düşünürdüm ki, qələbə qazanmaq şansımız yüksəkdi. Komanda matçın ilk dəqiqələrində özünü yaxşı tərəfdən göstərdi. Hesabı açan rəqibə tezliklə qarşılıq verib bərabərliyə nail olduq. İkinci hissədə isə çatışmazlıqlar yarandı. Monteneqro üstünlüyü ələ aldı və gözləmədiyimiz hesabla (1:6) məğlub olduq. Halbuki oyun belə bitməməliydi. Nəticə ilə barışa bilmirəm. Komandamdan razı qalmadım. Ümumilikdə onu deyə bilərəm ki, bir neçə futbolçumuz ilk dəfə Avropa çempionatında iştirak edirdi. Bu dəfə heyətdə yeniyetmələrə üstünlük vermişdim. Qızlar beynəlxalq arenada ilk təcrübəsini qazandı. Bundan sonra belə matçlarda çox çıxış etməliyik. Növbəti rəsmi turnirlərə daha yaxşı formada hazırlaşacağımıza inanıram”.