“Oyunları izləmişəm. Komandanın əvvəldən sona qədər qələbə uğrunda mübarizə apardığını müşahidə etdim. Canla-başla öyrətdiklərimizi yerinə yetirirdilər. Təəssüf ki, məqsədimizə nail ola bilmədik. Rəqiblərimiz çox güclü və təcrübəli idi. Bizim komanda cəmi 7 aydı zalda məşqlərə başlayıb. Sadəcə, ölkə çempionatında çıxış etmişik. Beynəlxalq təcrübəmiz isə sıfra bərabərdi. Məsələn, Fransa yığmasının son üç ayda 20 beynəlxalq qarşılaşmada meydana çıxdığını bilirik. Bosniya və Hersoqovina komandası da təcrübəlidi. Yeni qurulan heyətin beynəlxalq arenada uğur qazanması çətindi. Gələn il U-19 millisi üçün daha təcrübəli, məşqlərdə özünü sübut etmiş və zal praktikası olan oyunçulara üstünlük verəcəyik. Təəssüf ki, indi yığma yaratmaq qəliz məsələdi. Buna baxmayaraq, hədəflərimiz böyükdü. Ümid edirəm ki, gələn il müsbət dəyişikliklər ediləcək və yaddaqalan nailiyyətlərimiz olacaq”.