Zorlamada günahlandırılan və artıq iki aydan çoxdu həbsxanada olan məhşur braziliyalı futbolçu Daniel Alveş ''dəmir barmaqlılar'' arasında da sakit durmur.

"Football-plus.az" xəbər verir ki, dünyanın ən titullu futbolçusu statusunda Alveş yeni həyata çox tez uyğunlaşmışdı.

Onun digər həbsdə olanlarda yaxşı anlaşdığı, tez-tez futbol oyunları təşkil etdiyi və imza payladığı iddia edilmişdi. Amma hər şey göründüyü qədər sadə deyilmiş. Sən demə ''sambaçı'' öz həbsxana həyatını asanlaşdırmaq üçün yeni ''biznes plan'' cızıb. Nəzarətçilər diqqət yetiriblər ki, son günlər Alveşə imza atması üçün həddən artıq çox formalar göndərilir.

Futbolçunun imzasından sonra həmin forma həbsxanada rahat gəzmək statusu olanlardan birinə verilir. O da formanı digər həbsdə olanlara ötürür. Onlar da bunu ailə üzvlərinə və tanışlarına göndərirlər. İlk baxışdan burda qeyri-adi bir şey yoxdu. Amma sən demə Alveş bizim sözlə ifadə etsək, ''hörmət'' qarşılığında imza verir! İmzalı formanı alan şəxs bunun qarşılığında braziliyalıya 1 qutu siqaret, spirtli içki və başqa şeylər alır. Alveşin bu plandan xeyir götürdüyü sübuta yetirilsə, o yeni problemlərlə üzləşə bilər.

ƏLİ