Martın 17-də keçirilən “Florida” – “Monreal” oyununda maraqlı hadisə baş verdi.

“Football-plus.az” xəbər verir ki, ilk period meydan sahiblərinin 7:3 hesablı qələbəsi ilə bitdi. Birlikdə 10 qol vuran komandalar 1-ci periodda qol sayına görə MHL rekordunu təkrarladı. Bütün periodları nəzərə alanda isə MHL rekordu 12 qola bərabərdi ki, bu da iki dəfə qeydə alınıb.

“Monreal” həmçinin 1-ci periodda buraxılan qol sayına görə öz antirekordunu təkrarladı. Komanda əvvəllər iki dəfə 7 qol buraxıb. Birinci dəfə 1938-ci il yanvarın 11-də “Monreal Marunz”, 2-ci dəfə isə 1985-ci il oktyabrın 19-da “Hartford Ueylers” ilə oyunda.