Məşqçi karyerasında ilk addımlarını atan Nuri Şahinə Almaniyadan maraqlı təklif gəlib.

"Football-plus.az" xəbər verir ki, gənc mütəxəssis öz doğma klubu Dortmund ''Borussiya''sından təklif alıb. ''Arılar'' 34 yaşlı Nurini akademiyanın baş koordinatoru vəzifəsinə gətirmək istəyirlər. Şahin təklifi qəbul edəcəyi təqdirdə, faktiki olaraq ''Borussiya''nın bütün ''altyapı''sı onun tabeçiliyinə keçəcək. Bundan başqa o, bəzi məsələlərdə baş məşqçi Edin Terziçə də yardım edəcək.

Xatırladaq ki, Nuri ''Borussiya''nın öz yetirməsidi və uzun illər bu klubda çıxış edib. Dortmund klubundan başqa ''Feyenoord'', ''Real'', ''Liverpul'' və ''Verder''in şərəfini qoruyan Şahin 2020-də Türkiyəyə gələrək ''Antalyaspor''la müqavilə imzaladı. Amma ikinci mövsümündə, daha dəqiq desək 2021-in oktyabrında gözlənilmədən karyerasını başa vuraraq ''Antalyaspor''un başına keçdi. Antalya təmsilçisi indiyə qədər bu mütəxəssisin başçılığı altında keçirdiyi 63 rəsmi oyundan 28 qələbə, 13 bərabərlik, 22 məğlubiyyətlə ayrılıb.