Marko “Mersedes”i titula iddialılar sırasında görmür
“Red Bull”un idman məsləhətçisi Helmut Marko maraqlı açıqlama ilə diqqət çəkib.
"Football-plus.az" xəbər verir ki, onun fikrincə, “Mersedes” cari mövsümdə “Formula-1” üzrə dünya çempionatında titula iddialılar sırasına daxil deyil:
“Bu il “Mersedes” üçün titul əlçatmazdı. Onların bolidlə bağlı indiki konspersiyasında bir neçə problem üzə çıxdı, komanda qışda bunların həlli yolunu tapa bilmədi. Eyni vaxtda iki və ya üç maşını layihələndirmək, qurmaq mümkün deyil. Büdcə limitini də nəzərə alsaq, tam yeni maşın qurmaq da çətindi. Və həmin maşın işə düşən kimi rəqabətədavamlı olmayacaq. İndi “Mersedes”in ixtiyarında testlərə ayırmaq, maşını yarış şəraitində yoxlamaq üçün üç gün yoxdu”.
Xatırladaq ki, yeni mövsümün Bəhreyndə keçirilən ilk mərhələsində “Mersedes”in pilotlarından Lüis Hemilton 5-ci, Corc Rassell isə 7-ci yeri tutub.
Digər xəbərlər
