“Edmonton”un hücumçusu Leon Drayzaytl “Ottava” ilə dünənki oyunda dubl etməklə cari mövsümdə xal sayını 100-ə çatdırdı.

"Football-plus.az" xəbər verir ki, almaniyalı hokkeyçi 44 qol vurub, 56 məhsuldar ötürmə verib.

2022/23 Drayzaytl üçün 100 və daha artıq xal topladığı 4-cü mövsüm oldu. O, bu göstəricidə Teemu Selyanne ilə Aleksandr Oveçkinə çatdı, lıqada çıxış edən avropalılar arasında 4-cü yeri bölüşür. Avropalılar arasında 100 və daha artıq xal topladığı mövsümlərin sayına görə rekordçu Peter Ştyastnıdı (7). 2-ci yeri Yari Kurri (6), 3-cü yeri Yaromir Yaqr (5) tutur.

Drayzaytl 100-cü xalı qazanmasıyla bağlı MHL-in rəsmi saytına açıqlama da verib: “Əlbəttə, bəxtim gətirdi, çox sevinirəm. Ancaq hokkey oynamaq mənim işimdi, klub buna görə mənə pul ödəyir. Komanda yoldaşlarımdam hansısa biri olmasaydı, bu uğura çata bilməzdim. Bunu çox yaxşı anlayıram və onların hər birinə minnətdaram. Lazımi anda mənə ötürmə verir və fərqlənməyimə şərait yaradırlar”.