“Sabah”da möhtəşəm mövsüm keçirən Aleksey Kaşuk karyerasını Avropada davam etdirə bilər. Ukraynalı yarımmüdafiəçi ilə iki klub yaxından maraqlanır. Söhbət “Kopenhagen”lə “Legiya”dan gedir.

"Football-plus.az" xəbər verir ki, 22 yaşlı yarımmüdafiəçi “Şaxtyor”a məxsusdu və “Sabah”da icarə əsasında çıxış edir.

Ukrayna klubu ilə 2024-cü il iyunun 30-na kimi müqaviləsi var. “Şaxtyor” “bayquşlar”ın heyətində yaxşı mövsüm keçirən yarımmüdafiəçini satmaq fikrindədi. Bu səbəbdən də “Kopenhagen”lə “Legiya”nın təklifi üzərində düşünülür. Ukraynalı futbolçu üçün hər iki klubdan 1,5 milyon avro tələb olunur.
Qeyd edək ki, Kaşuk “Sabah”ın heyətində bu mövsüm keçirdiyi 23 oyunda 11 qol vurub, 7 məhsuldar ötürmə verib.

İLKİN SULTANLI