UEFA Çempionlar Liqasının 2021/2022 mövsümünün finalında baş verən insidentə görə ziyana düşüb.

Qitə futbol qurumu “Real”a 0:1 hesabıyla uduzan “Liverpul”un 19618 azarkeşinə təzminat ödəyəcək.

Xatırladaq ki, “Stad de Frans” stadionunun ətrafında yaşanan iğtişaşlar səbəbindən matç 36 dəqiqə gec başlamışdı. Daha əvvəl UEFA və Fransanın daxili işlər naziri Jerald Darmanin hadisədə “Liverpul” azarkeşlərini günahlandırmışdı. Onda arenaya girişdə işləməyən saxta bilet alan minlərlə azarkeşin turniketləri “bağladığı” bildirilmişdi. “Liverpul” isə fanatlarını müdafiə edərək stadiona daxil olmaq və təhlükəsizlik ilə bağlı nöqsanları qeyd etmişdi.

UEFA müstəqil ekspert komissiyasının hesabat hazırlamasını istəmişdi. Hesabat əsasında məlum olub ki, iğtişaşlara görə ilk növbədə UEFA məsuliyyət daşıyır. Nəticədə qurum “Liverpul”un azarkeşlərinə təzminat ödəməli olacaq. Beləliklə, ÇL-in 2022-ci il mayın 28-də keçirilən həlledici matçında stadiona daxil ola bilməyən və ya ümumiyyətlə, “Stad de Frans”a gedə bilməyənlər mersisaydlı azarkeşlərə təzminat ödəniləcək. “Real”lı və arenaya girərkən problem yaşayan neytral azarkeşlərin də təzminat almaq hüququ var.