Tahir Süleymanov: "Premyer-liqa Region Liqası deyil!"
Dünən Misli premyer-liqasının 26-cı turunda "Kəpəz" - "Zirə" matçı keçirildi.
"Football-plus.az" xəbər verir ki, qonaqlar 89-cu dəqiqədə Hamidu Keytanın vurduğu penalti qolu ilə səfərdən 1 xalla qayıtdı. Həmin epizod qalmaqala səbəb olub. Bir çoxları Kantariyanın Rəhim Sadıxova qarşı qaydanı pozmadığını düşünür. Bəziləri isə qərarın doğru olduğunu fikirləşir. Məsələ ilə bağlı fikirlərini öyrənmək üçün FİFA referisi Tahir Süleymanovla əlaqə saxladıq:
"Problem ümumi, daha genişdi.Təbii, hər turda 1-2 epizod gündəm yaradır, müzakirələr, fikirlər olur və ötüb keçir. 1-2 məşqçi etiraz səsini ucaldır, azarkeşlər üsyan edir, media, jurnalistlər, ekspertlər münasibət bildirir, problemlər isə çözülmür. Növbəti oyunlarda daha kəskin və bərbad halda özünü göstərir.
Ağacın budağını budamaqla, kəsməklə iş düzəlmir. Kökdə problem varsa, əsaslı, kompleks tədbirlər görülməli, doğru diaqnozlarla həll edilməlidi. Kök isə AFFA-nın özündə, Hakimlər Komitəsinin rəhbərliyindədi.
Bir-iki il öncə idarəçilik problemlərinin həllini VAR sistemində görürdülər, vaxt udulurdu, gecə-gündüz təbliğat aparılırdı. Frits Stuxlik 3-4 mövsüm Bakının mavi gecələrində feyziyab olub ölkəni tərk etdi, heç bir köklü irəliləyişə nail olunmadı, indi də təlimatçı statuslu Barış Şimşək VAR-la var-gəl edir. Zamanında dəfələrlə təhlillər aparmışıq, işlərin düzgün qurulmadığını əsaslandırıb bildirmişik. Təəssüf ki, öncədən qeyd olunanlar günümüzdə həyata keçməkdədi. Dərin səbəbləri var. Futbolu, hakimlik sahəsini bilməyənlər qərar verir, illərdi eksperimentlər aparılır. "Sabah"ın baş məşqçisi açıqlama verib, hakimlərin oyun tempinə necə təsir etdiyindən bəhs edib, sabah avrokuboklarda bunun mənfi təsirinin olacağını vurğulayıb, hətta referilərin təyinatına da diqqət yetirib. Peşəkardı, böyük futbolun incəliklərini, təsir qüvvəsini bilir, hər məqama diqqət edir, eyni anda səmimiliyini də göstərir, bəzi hallarda emosionallığa yol verdiyini, üzrxahlığını bildirir. Futbol emosional oyundu, nəinki tribunalar, azarkeşlər, bəzi hallarda məşqçilər, futbolçular da haqsızlıqlara dözə bilmir.
Hakimlik çətin, məsuliyyətli sahədi. Penaltilər, qırmızı, sarı vərəqələr, ofsaydlar üzdə görünən tərəflərdi. Ancaq bunların müzakirəsi ilə nə hakimlik sahəsi düzəlməz, nə də ümumi futbol inkişaf edə bilməz! Böyük futbolda xırdalıq olmur, hər element mənfi-müsbət öz təsirini göstərir. Ot örtüyü, qidalanma, vitaminləşmə, məşq, bərpa prosesi, fiziki, taktiki, psixoloji və başqa məsələlər çox önəmlidi. Premyer-liqa Region liqası deyil! Tələb Avropa futboludusa, buna uyğun kompleks addımlar atılmalıdı. Hakimlik də bu tələblərin, ümumi futbolun önəmli bir qoludu. Azərbaycan futbolunda hakimlik adına heç vaxt olmayan münbit şərait var. Hakimlərə heç bir təzyiq yoxdu, klubların əksəriyyəti dövlət xətti ilə maliyyələşir, onlarda federasiyanın göndərdikləri "başüstələr" qərarlaşıb. Heç biri də işini itirməmək üçün səsini çıxarmır. Çıxara da bilməzlər, ən azı gərək futbolu biləsən. Ancaq bəzi məşqçilər haqlı-haqsız, ehtiyac duyduqları anda münasibət bildirirlər. Çünki sonda nəticələrə cavabdeh onlar olacaq. Komandanı, məşqçi, futbolçuları ilk növbədə klub müdafiə etməlidi, bu, onların birbaşa vəzifə borcudu. Həvəskar futboldakı kimi bir məşqçi, 11 futbolçunun üzərinə yük düşməməlidi. Bir çox klub rəsmilərinin, səlahiyyəti olanların böyük futboldan anlayışı yoxdu, tapşırıqla göndərilən adamlardı. Peşəkar futbolla həvəskar futbol arasında sədd çoxdan götürülüb. Otel, avtobus, yeyib-içmək sifariş vermək üçün böyük futbol biliciliyi tələb olunmur.
"Tələb" isə, ancaq jurnalistlər, ekspertlər, azarkeşlər fikirlərini bildirməlidilər, təsadüflər isə rahat dövranlarını sürməlidirlər.
Yaxın keçmişdə AFFA rəhbərliyi ilə söhbətimdə avstriyalı Stuxlikdən sonra yenidən əcnəbi mütəxəssisin üzərində dayanılmasına, gətirilməsinə, külli miqdarda vəsaitin xərclənməsinə ehtiyac olmadığını faktlarla əsaslandırıb xüsusi vurğulamışam. Azərbaycanda artıq kifayət qədər orta nəsil beynəlxalq dərəcəli hakimlər var və bu gün də AFFA-da çalışırlar, inspektor kimi fəaliyyət göstərirlər. Onların arasından idarəçilik keyfiyyətləri olanlardan birinə üstünlük verilməsi daha doğru addım olardı. Barış Şimşək onsuz da VAR təlimatçısı kimi öncədən gətirilmişdi. Bir qoltuqda iki qarpızın tutulması cəhdi sonda indiki vəziyyəti şərtləndirib. AFFA-nın yeni baş katibi Sərxan Hacıyev ən azı nə vaxtsa əyninə hakimlik formasını geyinib, bu sahəyə bir qədər yaxın olmalı, həssas yanaşmalı, gec də olsa, zamanında deyilən məsləhətlərə önəm verməlidi. Problemlərin çözülməsi istənilirsə. Əks halda, finişə doğru daha böyük qalmaqallar yaşanacaq. Hələ Barış Şimşəyin bəxti gətirib ki, yuxarı pillərərdə, çempionluq uğrunda hər xal sayılmır, autsayderləri yola verə bilmirlər. Təsəvvür edin, 3-4 komanda çempionluq uğrunda mübarizə aparsaydı, hər klubun müstəqil sponsoru olsaydı, belə bərbad idarəçilik, VAR sistemsizliyi ilə nələr baş verərdi".
Ağacın budağını budamaqla, kəsməklə iş düzəlmir. Kökdə problem varsa, əsaslı, kompleks tədbirlər görülməli, doğru diaqnozlarla həll edilməlidi. Kök isə AFFA-nın özündə, Hakimlər Komitəsinin rəhbərliyindədi.
Bir-iki il öncə idarəçilik problemlərinin həllini VAR sistemində görürdülər, vaxt udulurdu, gecə-gündüz təbliğat aparılırdı. Frits Stuxlik 3-4 mövsüm Bakının mavi gecələrində feyziyab olub ölkəni tərk etdi, heç bir köklü irəliləyişə nail olunmadı, indi də təlimatçı statuslu Barış Şimşək VAR-la var-gəl edir. Zamanında dəfələrlə təhlillər aparmışıq, işlərin düzgün qurulmadığını əsaslandırıb bildirmişik. Təəssüf ki, öncədən qeyd olunanlar günümüzdə həyata keçməkdədi. Dərin səbəbləri var. Futbolu, hakimlik sahəsini bilməyənlər qərar verir, illərdi eksperimentlər aparılır. "Sabah"ın baş məşqçisi açıqlama verib, hakimlərin oyun tempinə necə təsir etdiyindən bəhs edib, sabah avrokuboklarda bunun mənfi təsirinin olacağını vurğulayıb, hətta referilərin təyinatına da diqqət yetirib. Peşəkardı, böyük futbolun incəliklərini, təsir qüvvəsini bilir, hər məqama diqqət edir, eyni anda səmimiliyini də göstərir, bəzi hallarda emosionallığa yol verdiyini, üzrxahlığını bildirir. Futbol emosional oyundu, nəinki tribunalar, azarkeşlər, bəzi hallarda məşqçilər, futbolçular da haqsızlıqlara dözə bilmir.
Hakimlik çətin, məsuliyyətli sahədi. Penaltilər, qırmızı, sarı vərəqələr, ofsaydlar üzdə görünən tərəflərdi. Ancaq bunların müzakirəsi ilə nə hakimlik sahəsi düzəlməz, nə də ümumi futbol inkişaf edə bilməz! Böyük futbolda xırdalıq olmur, hər element mənfi-müsbət öz təsirini göstərir. Ot örtüyü, qidalanma, vitaminləşmə, məşq, bərpa prosesi, fiziki, taktiki, psixoloji və başqa məsələlər çox önəmlidi. Premyer-liqa Region liqası deyil! Tələb Avropa futboludusa, buna uyğun kompleks addımlar atılmalıdı. Hakimlik də bu tələblərin, ümumi futbolun önəmli bir qoludu. Azərbaycan futbolunda hakimlik adına heç vaxt olmayan münbit şərait var. Hakimlərə heç bir təzyiq yoxdu, klubların əksəriyyəti dövlət xətti ilə maliyyələşir, onlarda federasiyanın göndərdikləri "başüstələr" qərarlaşıb. Heç biri də işini itirməmək üçün səsini çıxarmır. Çıxara da bilməzlər, ən azı gərək futbolu biləsən. Ancaq bəzi məşqçilər haqlı-haqsız, ehtiyac duyduqları anda münasibət bildirirlər. Çünki sonda nəticələrə cavabdeh onlar olacaq. Komandanı, məşqçi, futbolçuları ilk növbədə klub müdafiə etməlidi, bu, onların birbaşa vəzifə borcudu. Həvəskar futboldakı kimi bir məşqçi, 11 futbolçunun üzərinə yük düşməməlidi. Bir çox klub rəsmilərinin, səlahiyyəti olanların böyük futboldan anlayışı yoxdu, tapşırıqla göndərilən adamlardı. Peşəkar futbolla həvəskar futbol arasında sədd çoxdan götürülüb. Otel, avtobus, yeyib-içmək sifariş vermək üçün böyük futbol biliciliyi tələb olunmur.
"Tələb" isə, ancaq jurnalistlər, ekspertlər, azarkeşlər fikirlərini bildirməlidilər, təsadüflər isə rahat dövranlarını sürməlidirlər.
Yaxın keçmişdə AFFA rəhbərliyi ilə söhbətimdə avstriyalı Stuxlikdən sonra yenidən əcnəbi mütəxəssisin üzərində dayanılmasına, gətirilməsinə, külli miqdarda vəsaitin xərclənməsinə ehtiyac olmadığını faktlarla əsaslandırıb xüsusi vurğulamışam. Azərbaycanda artıq kifayət qədər orta nəsil beynəlxalq dərəcəli hakimlər var və bu gün də AFFA-da çalışırlar, inspektor kimi fəaliyyət göstərirlər. Onların arasından idarəçilik keyfiyyətləri olanlardan birinə üstünlük verilməsi daha doğru addım olardı. Barış Şimşək onsuz da VAR təlimatçısı kimi öncədən gətirilmişdi. Bir qoltuqda iki qarpızın tutulması cəhdi sonda indiki vəziyyəti şərtləndirib. AFFA-nın yeni baş katibi Sərxan Hacıyev ən azı nə vaxtsa əyninə hakimlik formasını geyinib, bu sahəyə bir qədər yaxın olmalı, həssas yanaşmalı, gec də olsa, zamanında deyilən məsləhətlərə önəm verməlidi. Problemlərin çözülməsi istənilirsə. Əks halda, finişə doğru daha böyük qalmaqallar yaşanacaq. Hələ Barış Şimşəyin bəxti gətirib ki, yuxarı pillərərdə, çempionluq uğrunda hər xal sayılmır, autsayderləri yola verə bilmirlər. Təsəvvür edin, 3-4 komanda çempionluq uğrunda mübarizə aparsaydı, hər klubun müstəqil sponsoru olsaydı, belə bərbad idarəçilik, VAR sistemsizliyi ilə nələr baş verərdi".
İLKİN SULTANLI
Digər xəbərlər
