Elmar Baxşıyev: “Nəticə fərqli ola bilərdi”
Misli premyer-liqasında 17-ci tura start verilib.
“Qarabağ” “Qəbələ”ni minimalhesabla məğlub edib. Oyundan sonra “qırmızı-qaralar”ın çalışdırıcısı Elmar Baxşıyevin mətbuat konfransı keçirilib. Sizi mütəxəssisin fikirləri ilə tanış edirik:
“Beş gündən bir oynasaq da, matçın dinamikası xoşuma gəldi. Komandam oyunun sonuna kimi tempi saxlaya bildi. Kollektiv şəkildə "Qarabağ"a qarşı layiqli mübarizə apardıq. Heç-heçə də edə bilərdik. Bəzi epizodları dəyərləndirə bilsəydik, nəticə fərqli ola bilərdi. Ümumi götürəndə komandanın oyunundan razı qaldım. Futbolçular mən istədiyimi meydanda verir”.
- Xal qazanmaq üçün nə çatmadı?
- Dinamikanı saxlamaq özü böyük güc tələb edir. Futbolçularıma təşəkkür edirəm ki, tempi aşağı salmadılar. Ağır dönəmdəyik. Amma komanda müsbət impuls verir. İnanıram ki, getdikcə daha da yaxşı oyun nümayiş etdirəcəyik.
- Hakimliklə bağlı fikriniz necədi?
- İlk hissədə 11 metrlik cərimə zərbəsi ilə bağlı irad bildirmirdim. Sadəcə oyunçumuza sarı vərəqə göstərilməsinə etirazımı bildirdim. Hakimləri müzakirə etmək istəmirəm. Onların da öz rəhbərləri var. İnanırıq ki, onlara lazımi tapşırıqları verəcəklər. Mənim üzərimə komandama qiymət vermək düşür.
- Avrokuboklara vəsiqə qazanmaq şansını necə dəyərləndirirsiz?
- Mövsüm uzundu. İndidən nə mən, nə komanda bu barədə düşünmür. Yalnız qarşıdakı oyunu düşünürük. Olacaqsa, çox yaxşı. Avrokuboklar uğrunda mübarizə aparacağıq.
Digər xəbərlər
