Kriştiano Ronaldo ilə bağlı növbəti iddia irəli sürülüb.

"Football-plus.az" xəbər verir ki, qız-inflüenser ulduz futbolçu ilə cinsi əlaqədə olduğunu iddia edir.

Venesueladan olan və daha çox Corcilayya adı ilə tanınan blogger Kriştiano ilə ötən il martın 25-də intim əlaqəyə girdiyini bildirib.

Bu hadisənin Portuqaliyadakı otellərdən birində baş verdiyini xatırladan Corcilayya daha əvvəl onunla və milli komandanın digər oyunçuları ilə şəkil çəkdirdiyini deyib. Ronaldo bundan sonra onu oteldəki nömrəsinə dəvət edib:

“Otelə getməzdən əvvəl onunla söhbət edəcəyimizi, bir-birimizi yaxından tanıyacağımızı və ola bilsin ki, yenə birgə şəkil çəkdirəcəyimizi düşünürdüm. Aramızda seksual əlaqənin ola biləcəyini ağlıma belə gətirmirdim. Amma məhz bu baş verdi. Cinsi əlaqəyə öz razılığımla girdik. Buna baxmayaraq, Kriştiano Ronaldonun şöhrəti və qüdrəti ilə bağlı manipulyasiyasına məruz qaldığımı hiss etdim…”

“Əl-Nəssr”in hücumçusunun nümayəndəsi qızın iddiasının yalan və böhtan olduğunu bildirib.