Mövsümü erkən başa vurdu

Yulian Draksler həkimlərdən üzücü xəbər alıb.

Football-plus.az xəbər verir ki, PSJ-nin “Benfika”da icarə əsasında çıxış edən futbolçusu mövsümün sonuna qədər meydana çıxa bilməyəcək. Almaniya millisinin üzvü ayağından əməliyyat olunub. 29 yaşlı yarımmüdafiəçinin Parisə qayıtmayacağı, “Benfika”da bərpa prosesi keçəcəyi bildirilib.

Draksler bu mövsüm Portuqaliya klubunda bütün turnirlərdə 18 oyuna çıxıb və 2 qol vurub. Onun “Benfika” ilə icarə müqaviləsi bu mövsümün sonuna, PSJ ilə sözləşməsinin müddəti isə 2024-cü ilin yayına qədərdi.