“Benfika”nın yeni baş məşqçisi müəyyənləşib. Bu vəzifəyə Rocer Şmidt təyin olunub.

"Football-plus.az" xəbər verir ki, alman mütəxəssislə müddəti 2024-cü ilin yayına qədər nəzərdə tutulan müqavilə imzalanıb. Şmidtin sonuncu iş yeri yenicə başa çatan mövsümdə Niderland çempionatının gümüş medallarını qazandırdığı PSV olub.

Onun yeni komandası isə Portuqaliya primeyra liqasında çempion olan “Portu”dan 17 xal geri qalaraq 3-cü yeri tutub. Şmidt “Benfika”da ötən ilin dekabrından baş məşqçi səlahiyyətlərini yerinə yetirən Nelson Verissimonun yerini tutub.