Qonsalo Ramuş tezliklə iş yerini dəyişə bilər. Onun müştərilərinin sayı durmadan artır.

Football-plus.az xəbər verir ko, dünya çempionatının 1/8 finalının İsveçrə ilə matçında (6:1) Portuqaliya yığmasının kapitanı Kriştiano Ronaldonun əvəzinə start heyətdə meydana çıxaraq het-trik edən gənc hücumçunun dəyəri də artıb.

“Benfika” Qonsalo üçün yeni qiymət müəyyən edib. “Manchester Evening News” qəzetinin xəbərinə görə, Portuqaliya klubu 21 yaşlı oyunçunu 120 milyon avroya satmağa hazırdı. Bir müddət əvvəl “Mançester Yunayted” skautlarının onu diqqətlə izlədiyi məlum olmuşdu. Hücumçunun “Benfika” ilə müqaviləsinin müddəti 2026-cı ilin yayına qədərdi. Yeri gəlmişkən, Ramuş bu mövsüm lissabonluların heyətində bütün turnirlərdə 21 oyuna çıxıb, 14 qol vurub və 6 məhsuldar ötürmə edib.