Avtoidman dünyası ilə bağlı daha bir maraqlı xəbər var.

Football-plus.az xəbər verir ki, iş ondadı ki, “Formula-1” yarışlarında Səudiyyə Ərəbistanının komandası da görünə bilər. Bu ölkənin Avtomobil və Motosikl Federasiyasının prezidenti Xalid bin Sultan Əl-Feysəl planlarını bölüşüb: “Avtoidmana böyük entuziazm ilə yanaşırıq, böyük planlar var. Bu idmanın gələcəyində böyük rol oynamaq, gələcəyin mühəndislərini, menecerlərini, komanda rəhbərlərini yaratmaq, şirkətləri avtoidmana cəlb etmək istəyirik. Bütün bunlar Ciddədəki trassın və “Formula-1” yarışlarının keçirilməsi sayəsindədi. Uzunmüddətli irs yaratmışıq”.
Bir müddət əvvəl xəbər gəzirdi ki, Səudiyyə Ərəbistanının suveren fondu “Formula-1” avtomobillərində dairəvi yarış üzrə dünya çempionatını almaq istəyir. Ancaq “Formula-1”in sahibi olan “Liberty Media”nın imtinası üzündən sövdələşmə baş tutmadı. “Liberty Media” DÇ-nin satışında perspektiv görmədi.