İdman
82
16.05.2022, 14:43
“Son 10 ildə bu işə böyük pullar qoymuşuq” - AÇIQLAMA
“Mersedes”in avtoidman bölməsinin icraçı direktoru Toto Volf “Formula-1” yarışlarında 11-ci komandanın çıxış etməsinin əleyhinədi.
Hərçənd onun sözlərinə görə, müəyyən üstün məqamlar da mümkündü:
“Yeni Amerika komandasının gəlişi ilə bağlı artıq çox danışılıb. Müsbət məqam kimi onu qeyd edə bilərəm ki, həqiqətən amerikalı pilotla Amerika komandası gəlirsə, bu çox faydalı olacaq. Ancaq indi burda 10 komanda var. Mükafat fondu onlar arasında bölünür. Son 10 ildə bu işə böyük pullar qoymuşuq. Çox güman, hər bir təşkilat bu müddətdə “Formula-1” ilə bağlı layihələrinə milyardan artıq pul xərcləyib. Belə çıxır ki, çempionata yeni komanda gəlirsə, bu “Formula-1”in böyüməsinə müsbət təsir edəcək? Ancaq özünüzlə böyük pullar gətirəcəyinizi və çempionatın ümumi dəyərinin qalxacağını necə sübut edəcəksiz? Bəli, bu ehtiyatlı səslənir, ancaq hər şey gedib rəqəmlərə çıxır. “Formula-1” həm də ona görə dəyərlidi ki, burda məhdud sayda komanda çıxış edir. Biz komanda əlavə etməklə onu dəyərdən salmaq istəmirik”.
