“Məlum olduğu kimi, çoxsaylı, xüsusən qeydiyyatla bağlı bizə müraciətləri nəzərə alaraq “İnsports TV”yə məktub ünvanladıq. Onlar da premyer-liqanın 23-cü və 1-ci divizionun 18-ci turunun oyunlarını ödənişsiz yayınladı. Bütün çatışmazlıqları diqqətlərinə çatdırmışdıq. Bizim departament də bu yayınları xüsusi diqqətdə saxlayır. Əvvəlkindən fərqli hansısa problem yaşamadıq. Hər iki platformada rahat izləmək mümkün oldu. Oyundan sonra da əvvəlki vaxtlardan fərqli tamaşaçılardan müraciət almadıq. Amma istənilən halda, iradlarınızı yenə diqqətdə saxlayacağıq. Biz bu anlaşmanı imzalamamış təxminən bir aya yaxın test etdik. Yəni yoxlamadan müqaviləyə imza atmamışıq. Üstəlik müqavilənin cəmi 4 aylıq, yəni cari mövsümün sonuna qədər olması da qarşı tərəfin işinə baxmaq istəyimizdən irəli gəlir. Tamaşaçı bizim üçün həmişə dəyərli olub. Problemlər davam edərsə, başqa şirkətlə anlaşmağa çalışacağıq. Alınmasa, “yutub” üzərindən yayınlara davam edəcəyik”.