“İnsports TV”də qeydiyyatla bağlı çətinliklər yarandığından, yerli tamaşaçıların çoxsaylı müraciətləri nəzərə alınaraq PFL yayınçı quruma məktub ünvanlayıb.

Yayınçı şirkət PFL-in müraciətinə cavab olaraq Misli premyer-liqasının 23-cü və birinci divizionun 18-ci turunun oyunlarını ödənişsiz yayınlayacağını bildirib.

PFL-in media və marketinq direktoru Sənan Abdullayev ödənişsiz yayının cəmi bir turu əhatə edəcəyini bildirdi:

“Qeydiyyatla bağlı ortaya müəyyən problemlər çıxdığından “İnsports” şirkəti daha bir turu pulsuz yayınlayacaq. Məqsəd kütləvi baxış zamanı qeydiyyatla bağlı yaşanan texniki problemi üzə çıxarmaqdı. Problem müəyyənləşəndən sonra aradan qaldırılacaq və növbəti turdan yayın ödənişli olacaq. Yeri gəlmişkən, onu da bildirim ki, ödənişdə endirim olacaq. Qarşı tərəflə bu barədə danışığımız olub”.

RƏŞAD