Xviça Kvaratsxeliyanın müştərilərinin sayı durmadan artır. Bunu nəzərə alan “Napoli” futbolçuya qiymət qoyub.

İspaniyada çıxan “As” qəzetinin məlumatına görə, İtaliya klubu 22 yaşlı yarımmüdafiəçinin transferinə görə qarşı tərəfdən 100 milyon avrodan çox təzminat tələb edəcək. Qeyd edək ki, Kvaratsxeliya “Napoli”yə 2022-ci ilin yayında Batumi “Dinamo”sundan 10 milyon avroya keçib. Bu mövsüm gürcü futbolçu bütün turnirlərdə meydana çıxdığı 24 matçda 12 qol vurub və 14 məhsuldar ötürmə verib. Onunla klubu arasındakı müqavilənin müddəti 2027-ci ilin yayına qədərdi. Xviçanın yığmamızın sabiq hücumçusu Badri Kvaratsxeliyanın oğlu olduğunu da xatırladaq.