Qvardiola Cerrarddan niyə üzr istəyib?
Xosep Qvardiola “Liverpul”un sabiq futbolçusu Stiven Cerarddan üzr istəyib. “Mançester Siti”nin baş məşqçisi bir müddət əvvəl onun haqda səsləndirdiyi fikirlərə görə belə addım atıb.
Football-plus.az xəbər verir ki, ispaniyalı mütəxəssis mətbuat konfransında Cerard haqqında belə demişdi:
“Cerrardın 2014-cü ildə “Çelsi”yə qarşı matçda yıxılmasının günahkarı da “Mançester Siti” olub?”
Amma Qvardiola “Sky Sports”a açıqlamasında yersiz zarafatına görə utandığını deyib:
“Bu axmaq şərhləri verməklə klubumun imicinə zərbə vurdum. Ona, uşaqlarına, həyat yoldaşına, ailəsinə çox yazığım gəlir. Bu axmaqlıq idi. Haqqında söylədiyim lazımsız və axmaq şərhlərimə görə Stiven Cerrarddan üzr istəyirəm. Özümdən utanıram. Çünki o, buna layiq deyildi”.
Digər xəbərlər
