Konfrans Liqasında pley-off mərhələsinə start verilib.

"Qarabağ" "Gent"i məğlub edib - 1:0. Oyundan sonra belçikalıların baş məşqçisi Heyn Vanhauzebrukun mətbuat konfransı keçirilib. O, jurnalistlərin suallarını cavablandırıb:

- 80 dəqiqə 0:0 hesabını qoruduz, amma sonra qol buraxdız. Bu nəticəni yaxşı hesab edirsiz?
- Düşünmürəm ki, biz hesabı qorumağa çalışırdıq. İlk hissədə onlarla eyni şansımız var idi. Rəqib oxşar vəziyyətdən qol vurdu. Bərabər səviyyədə oyun getdi. Düşünürdüm ki, ilk hissəni qalib başa vuracağıq. Fasilədən sonra rəqib daha yaxşı çıxış etdi. Düzgün oyunçular meydana çıxdı və fərq yarandı. Bizdə isə hazır olmayanlar və gənclər oyuna daxil oldu. Penalti qərarı doğru deyildi. Orda top oyunçumuzun dayaq əlinə dəymişdi. Bu, əllə oyun deyil. Məğlub olmaq istəmirdik. Amma şansımız var.

- Cavab oyununda şansınızı necə görürsüz?
- Evdə doğma azarkeşlərin qarşısında oynamaq əlavə üstünlük olacaq. Rəqibin çox yaxşı futbolçuları var. Ehtiyat oyunçuları oyunu dəyişə bilirlər. Hələ şansımız var. Səfər qolu qaydası ləğv olunub. Heç olmasa hesabı bərabərləşdirib, mübarizəni əlavə vaxta aparmaq istəyirik.

- Qapıçınızın çıxışından razı qaldız?
- Razıyam. İlk hissədə çox işi olmadı. İlk itirdiyi top qolla nəticələndi. Rəqib qapıçı topu 3 dəfə itirdi, doğru yararlana bilmədik. Əks halda hesab fərqli ola bilərdi. Bu səviyyələrdə belə səhvlər etməməliyik.

- “Qarabağ”ı yəqin ki, təhlil etmişdiz. Bu gün rəqib sizi nə ilə təəccübləndirdi?
- Qapıçı seçiminə görə təəccübləndim. Son matçlarda gənc qolkiper çıxış edirdi. Onun oynayacağını gözləyirdik. “Qarabağ”ın aydın oyun üslubu var. Analiz etdiyimizlə eyni idi. Başlanğıcda rəqibə imkan vermirdik. “Qarabağ”ın oyunçuları yaxşı fərdi ustalığa malikdi. Ən böyük üstünlüklərindən biri ehtiyat oyunçular skamyasıdı. Onların 25-30 yaxşı futbolçusu var.

- Kəskin hava şəraiti oyununuza təsir etdi?
- Əıa hava idi. Belçikada da soyuqdu, burda da.