Malkin 1200-cü xalını topladı

“Pittsburq”un hücumçusu Yevgeni Malkin “Anahaym”la oyunda iki məhsuldar ötürmə ilə yadda qaldı.

36 yaşlı rusiyalı bununla da MHL-də keçirdiyi 1032-ci oyunda xal hesabını 1200-ə (463+737) çatdırdı. Malkin MHL tarixində xal sayına görə Dino Sissarelli (1232 oyunda 1200 xal) ilə birgə 50-ci yeri bölüşür. 49-cu yerdə isə Vensan Damfuss 1205 (432+773) xalla qərarlaşıb. Malkin MHL-də 1200 xal həddinə çatan 2-ci rusiyalıdı. Bundan başqa, o, fəaliyyətdə olan hokkeyçilər arasında 1200 xal toplayan 4-cü oyunçusudu. Ona qədər Sidni Krosbi (“Pittsburq”, 1159 oyunda 1471 xal), Aleksandr Oveçkin (“Vaşinqton”, 1326 oyunda 1464 xal) və Patrik Keyn (“Çikaqo”, 1154 oyunda 1215 xal) də 1200 xal həddinə çatıb.