PSJ rəhbərliyi yay “transfer pəncərəsi” dövründə Neymarı satmağı planlaşdırır.

Football-plus.az xəbər verir ki, bu haqda xəbəri “Le Parisien” yayıb.

Əslində parislilər ötən yay da ulduz braziliyalını buraxmağa hazır idi. Sadəcə, ona görə böyük məbləğ təklif edən olmadı. Futbolçu özü isə PSJ-dən getmək variantına neqativ yanaşır.

31 yaşlı braziliyalı 2017-nin yayından bəri bu komandanın şərəfini qoruyur, müqaviləsi isə 2025-ci ilə qədər nəzərdə tutulub. Neymar cari mövsümdə PSJ-nin heyətində bütün turnirlərdə keçirdiyi 27 oyunda 17 qol və 16 məhsuldar ötürmə ilə yadda qalıb.

“Transfermarkt” portalı onun dəyərini 75 milyon avro hesablayıb.