“Bavariya”nın qolkiperi Manuel Noyer komandanın baş məşqçisi Yulian Naqelsmann ilə görüşüb.

Football-plus.az xəbər verir ki, həmin görüşdə tərəflər potensial münaqişəni aradan qaldırıb. Bununla belə, 36 yaşlı qapıçı “klub rəhbərliyini açıq şəkildə tənqid etdiyinə” görə böyük məbləğdə cərimə olunmaq təhlükəsindən qurtulmayıb. Münhen komandasının hər futbolçu ilə müqaviləsində yer alan standart bəndə görə, “Bavariya” belə hərəkətlərə görə aylıq maaş həcmində cərimə müəyyənləşdirə bilər. Noyerin illik maaşının 20 milyon avro olduğunu nəzərə alsaq, qapıçı cərimələnəcəyi təqdirdə bu məbləğ 1,666 milyon avro təşkil edəcək.

Xatırladaq ki, “Bavariya” fevralın 8-də Mihael Rehneri qapıçılarla iş üzrə məşqçi kimi təqdim edib. Rehnerin bu vəzifədə Toni Topaloviçi əvəz etməsi münhenlilərin qolkiperi Noyerin artıq məzmunu ilə “Futbol+” səhifələrində tanış olduğunuz qalmaqallı müsahibə verməsini şərtləndirib. “Bavariya”nın kapitanı cari mövsümdə artıq bir daha komandasına kömək edə bilməyəcək, ona görə ki, məzuniyyət vaxtı xizək sürərkən ayağı qırılıb.